ក្រុម​ការងារ​រាជ​រដ្ឋា​ភិបាល​ចុះ​មូល​ដ្ឋាន​ស្រុក​ទឹក​ផុស ​និង​ស្រុក​សាមគ្គី​មានជ័យ​ ប្រជុំ​បូក​សរុប​លទ្ធផល​ការងារ​ ឆ្នាំ២០២៥ និងលើកទិសដៅ ឆ្នាំ២០២៦

កំពង់ឆ្នាំង ៖ក្រុមការងាររាជរដ្ឋាភិបាល ចុះមូលដ្ឋាន ស្រុកទឹកផុស និងស្រុកសាមគ្គីមានជ័យ នៅថ្ងៃទី២១ ខែកុម្ភៈ ឆ្នាំ២០២៦នេះ បាន​បើកកិច្ចប្រជុំបូកសរុបលទ្ធផលការងារ ឆ្នាំ២០២៥ និងលើកទិសដៅការងារ ឆ្នាំ២០២៦ ក្រោមអធិបតីភាព ឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អនុប្រធានួី១ក្រុមការងាររាជរដ្ឋាភិបាលចុះមូលដ្ឋាន ខេត្តកំពង់ឆ្នាំង និងជាប្រធានក្រុមការងារ ចុះមូលដ្ឋាន ស្រុកទឹកផុស និងស្រុកសាមគ្គីមានជ័យ ។

នៅក្នុងកិច្ចប្រជុំនេះ ឯកឧត្តម ឆាយ ឬទ្ធិសែន បានកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់ថ្នាក់ដឹកនាំ និងមន្ត្រីគ្រប់លំដាប់ថ្នាក់ ដែលបានរួមសហការគ្នា ក្នុងការបំពេញភារកិច្ច តាមតួនាទីរបស់ខ្លួនប្រកបដោយការទទួលខុសត្រូវ និងសម្រេចបានលទ្ធផលគួរជាទីមោទនៈ សម្រាប់ផ្តល់ផលប្រយោជន៍ដល់ប្រជាពលរដ្ឋពិតប្រាកដ ។

សូមបញ្ជាក់ថា ក្រុមការងាររាជរដ្ឋាភិបាលចុះមូលដ្ឋាន មានតួនាទីតម្រង់ទិស គាំទ្រ និងជំរុញការលើកកម្ពស់សមត្ថភាពស្ថាប័ន នៅមូលដ្ឋាន ដើម្បីពង្រឹងការទទួលខុសត្រូវ និងភាពជាម្ចាស់របស់មូលដ្ឋាន ក្នុងការអនុវត្តកម្មវិធីនយោបាយ យុទ្ធសាស្ត្របញ្ចកោណដំណាក់កាលទី១ គោលនយោបាយ និងកម្មវិធីកំណែទម្រង់នានារបស់រាជរដ្ឋាភិបាល សំដៅធ្វើការអភិវឌ្ឍមូលដ្ឋាន ការលើកកម្ពស់ការផ្ដល់សេវាសាធារណៈ និងការដោះស្រាយឆ្លើយតបសំណើ សំណូមពរ និងសេចក្ដីត្រូវការរបស់ប្រជាពលរដ្ឋ នៅតាមមូលដ្ឋាននីមួយៗ ប្រកបដោយប្រសិទ្ធភាព តម្លាភាព និងគណនេយ្យភាព៕អត្ថបទ ហឹង ចូច / រូបថតក្រសួងអភិវឌ្ឍន័ជនបទ