រដ្ឋ​បាល​ខេត្ត​កំពង់​ឆ្នាំង​ ធ្វើ​សន្និបាត​បូក​សរុប​លទ្ធផល​ការងារ​ឆ្នាំ​២០២៥​ និង​លើក​ទិស​ដៅ​ការងារ​សម្រាប់​អនុវត្ត​បន្ត​ក្នុង​ឆ្នាំ​២០២៦​

កំពង់ឆ្នាំង ៖ រដ្ឋបាលខេត្តកំពង់ឆ្នាំង ធ្វើសន្និបាតបូកសរុបលទ្ធផលការងារដែលសម្រេចបានក្នុងឆ្នាំ២០២៥ និងលើកទិសដៅការងារ សម្រាប់អនុវត្ត​​បន្តក្នុង ឆ្នាំ២០២៦ នាព្រឹកថ្ងៃទី២៧ ខែមករា ក្រោមអធិបតីភាព ឯកឧត្តម ស៊ុន សុវណ្ណារិទ្ធិ អភិបាលខេត្តនិងឯកឧត្តម ស៊ីវ រុន ប្រធានក្រុមប្រឹក្សា ខេត្តកំពង់ឆ្នាំង ។

អង្គសន្និបាតបានតាមដានស្តាប់របាយការណ៍ស្តីពីលទ្ធផលការងា ដែលរដ្ឋបាលខេត្តកំពង់ឆ្នាំងសម្រេចបាន ក្នុងឆ្នាំ២០២៥ អានដោយលោក ឈឹម វុទ្ធា អភិបាលរងខេត្ត និងបានពិភាក្សាផ្លាស់ប្តូយោបល់ទៅលើបញ្ហាសំខាន់ៗ ដើម្បីដាក់ចេញនូវទិសដៅការងារ សម្រាប់អនុវត្តបន្តនៅក្នុងឆ្នាំ២០២៦ ឲ្យមានប្រសិទ្ធភាព ។

សូមបញ្ជាក់ថា សន្និបាតប្រចាំឆ្នាំរបស់រដ្ឋបាលខេត្តកំពង់ឆ្នាំង សម្រាប់ឆ្នាំនេះ មានរយះពេល១ថ្ងៃ ដែលនឹងត្រូវធ្វើពិធីបិទនៅរសៀលថ្ងៃទី២៧ មករា ក្រោមអធិបតីភាព ឯកឧត្តម បណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំង ៕អត្ថបទ ហឹង ចូច / រូបថត សន គន្ធនិវឌ្ឍន៍