អ្នកនាំពាក្យរដ្ឋបាលខេត្តកំពង់ឆ្នាំង ស្នើឲ្យអ្នក សារព័ត៌មាន គោរពក្រមសីលធម៌ វិជ្ជាជីវៈនិង ផ្សព្វផ្សាយព័ត៌មាន ដែលមានប្រភពច្បាស់លាស់

កំពង់ឆ្នាំង ៖ លោក សាន់ យូ អភិបាលរងខេត្ត និងជាអ្នកនាំពាក្យរដ្ឋបាលខេត្តកពង់ឆ្នាំង បានស្នើឲ្យអ្នកសារព័ត៌មាន គោរពក្រមសីលធម៌ វិជ្ជាជីវៈ និងត្រូវផ្យព្វផ្សាយព័ត៌មាន ដែលមានប្រភពច្បាស់លាស់ ដើម្បីផ្តល់សុវត្តិភាពដល់អ្នកប្រើប្រាស់ និងធានាសន្តិសុខព័ត៌មាន ។

លោក សាន់ យូ បានថ្លែងដោយស្នើទៅកាន់អ្នកសារព័ត៌មាន នៅក្នុងខេត្តកំពង់ឆ្នាំង បែបនេះ ក្នុងកិច្ចប្រជុំផ្សព្វផ្សាយស្តីពី ការពង្រឹងសណ្តាប់ធ្នាប់សារព័ត៌មាន និងទប់ស្កាត់ព័ត៌មានក្លែងក្លាយ ដែលរៀបចំធ្វើឡើងដោយមន្ទីរព័ត៌មាន កាលពីរសៀលថ្ងៃទី២៧ ខែធ្នូ ឆ្នាំ២០២៥។

លោក អភិបាលរងខេត្តកំពង់ឆ្នាំង បញ្ជាក់ថា ការធានាសិច្ចរិតភាព និងភាពត្រឹមត្រូវនៃព័ត៌មាន គឺជាការចាំចាច់បំផុត សម្រាប់អ្នកសារព័ត៌មាន ដែលត្រូវតែផ្តល់ព័ត៌មាន បានត្រឺមត្រូវ មានប្រភពច្បាស់លាល់ និងគួរឲ្យទុកចិត្តដើម្បីបង្កើនស្មារតីទុកចិត្តរបស់សាធារណជន ។

លោកសាន់ យូ ក៏បានកោតសរសើរដល់ថ្នាក់ដឹកនាំមន្ទីរ មន្រ្តីក្រុមការងារព័ត៌មាន និងសាធារណៈមតិ ដែលក្នុងរយះពេលកន្លងទៅនេះបានសកម្មក្នុងការចូលរួមទប់ស្កាត់ព័ត៌មានក្លែងក្លាយ និងចុះធ្វើយុទ្ធនាការប្រឆាំងព័ត៌មានក្លែងក្លាយ នៅតាមទីប្រជំជន ផ្សារ សាលារៀន និងនៅតាមអង្គភាពនានាក្នុងខេត្ត ៕