ស៊ីម៉ាក់​បិទ​វគ្គ​ហ្វឹក​ហ្វឺន​លើ​ជំនាញ​បច្ចេក​ទេស​ បោស​សម្អាតមីន​និង​កម្ទេច​គ្រាប់​យុទ្ធ​ភណ្ឌ​មិន​ទាន់​ផ្ទុះ ​និង​​វគ្គ​​ហ្វឹក​ហ្វឺន​អ្នក​ឯក​ទេស​បញ្ជា​ថែទាំ​​ និង​បង្ហាត់​សុនខ

កំពង់ឆ្នាំង ៖នាព្រឹកថ្ងៃទី២១ ខែវិច្ឆិកា ឆ្នាំ២០២៥ នៅវិទ្យាស្ថានបច្ចេកទេសសកម្មភាពកំចាត់មីន ខេត្តកំពង់ឆ្នាំង មានរៀបចំពិធីបិទវគ្គលើ ជំនាញបច្ចេកទេសបោសសម្អាតមីននិងកម្ទេចគ្រាប់យុទ្ធភណ្ឌមិនទាន់ផ្ទុះ កម្រិត១, កម្រិត២ ជំនាន់ទី៤,វគ្គហ្វឹកហ្វឺនអ្នកឯកទេសបញ្ជាសុនខបឋម ជំនាន់ទី២៤ និងវគ្គបំប៉នជំនាញថែទាំនិងបង្ហាត់សុនខ ជំនាន់ទី៥ ក្រោមអធិបតីភាព ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា។

វគ្គសិក្សាលើជំនាញបច្ចេកទេសបោសសម្អាតមីន និងកម្ទេចគ្រាប់យុទ្ធភណ្ឌមិនទាន់ផ្ទុះកម្រិត១,កម្រិត ជំនាន់ទី៤ មានសិក្ខាកាមចូលរួមសរុបចំនួន​២២រូប ដែលបានចំណាយពេលសិក្សារយៈពេលពេញ១ឆ្នាំដោយបែងចែកជា៤ដំណាក់កាល រួមបញ្ចូលទាំងទ្រឹស្តី និងការអនុវត្តជាក់ស្ដែង ដូចៗគ្នាបន្ថែមទៀតនៅអង្គភាពពិសេសកាត់បន្សាបគ្រាប់ ក្នុងគម្រោងEHP រយៈពេល៤សប្ដាហ៍ ដើម្បីធ្វើឲ្យសិក្ខាកាមកាន់តែមានសមត្ថភាពខ្ពស់ និងគុណភាពប្រ
សើរឡើងថែមទៀត។

ដោយឡែកសម្រាប់វគ្គហ្វឹកហ្វឺន អ្នកឯកទេសបញ្ជាសុនខបឋម ជំនាន់ទី២៤ បានចាប់ផ្តើមដំណើរកាលពីថ្ងៃទី១៨ ខែសីហា ឆ្នាំ២០២៥ ដល់ថ្ងៃទី០៣ ខែតុលា ឆ្នាំ២០២៥ មានរយៈពេល ៤៧ថ្ងៃ គិតទាំងថ្ងៃឈប់សម្រាក ដែល មានសិក្ខាកាមចូលរួមសរុប ចំនួន៣០រូប សិក្ខាកាមនារីចំនួន១០រូប និងសិក្ខាកាមបុរសមាន ចំនួន២០រូប មកពីគ្រប់បណ្តាកងឯកភាពកំចាត់មីន និងអង្គភាពពិសេសប្រតិបត្តិការក្រោមទឹក ។សម្រាប់វគ្គបំប៉នជំនាញថែទាំ និងបង្ហាត់សុនខ ជំនាន់ទី៥ បានចាប់ផ្តើមដំណើរការពីថ្ងៃទី២៨ ខែកក្កដា ឆ្នាំ២០២៥ ដល់ថ្ងៃទី០៨ ខែសីហា ឆ្នាំ២០២៥ មានរយៈពេល ២សប្ដាហ៍ ដែលមានសិក្ខាកាមចូលរួមសរុបចំនួន១៤រូប សិក្ខាកាមនារី ចំនួន០៣រូប និងសិក្ខាកាមបុរសមាន ចំនួន១១រូប។ សិក្ខាកាមទាំងអស់សុទ្ធតែជាមន្ត្រី-បុគ្គលិកអ្នកចិញ្ចឹមថែទាំ និងបង្ហាត់សុនខនៃមណ្ឌលសុនខ ៕