ប្រធាន​ស្តី​ទី​មន្ទីរ​ព័ត៌​មាន​ខេត្ត​កំពង់​ឆ្នាំង​ ជំរុញ​ឲ្យ​ការិយាល័យ​ទាំង​៥ ​កំណត់​សមិទ្ធ​កម្ម​ ការ​អនុវត្ត​លទ្ធ​ផល​ការងារ​ឆ្នាំ​២០២៥​ បន្ត​វិភាគ​មុខ​ងារ​មន្រ្តី ​និង​ កំណត់​គោល​ដៅ​សូ​ច​នាករ​សម្រាប់​បន្ត​អនុវត្ត ​ក្នុង​ឆ្នាំ​២០២៦

កំពង់ឆ្នាំង ៖ប្រធានមន្ទីរព័ត៌មានស្តីទីខេត្តកំពង់ឆ្នាំង លោកឈាង វណ្ណៈ បានជំរុញឲ្យការិយាល័យទាំង៥ចំណុះមន្ទីរកំណត់សមិទ្ធកម្មការអនុវត្តលទ្ធផលការងារឆ្នាំ២០២៥ បន្តវិភាគមុខងារមន្រ្តី និង កំណត់គោលដៅសូចនាករសម្រាប់បន្តអនុវត្តក្នុងឆ្នាំ២០២៦ ដោយស្របនិងគោលដៅយុទ្ធសាស្រ្តរបស់ក្រសួងព័ត៌មាន និងទិសដៅរបស់រដ្ឋបាលខេត្ត ។

លោក ឈាង វណ្ណៈ បានជំរុញដល់មន្ត្រីបែបនេះនៅក្នុងកិច្ចប្រជុំបូកសរុបលទ្ធផលការងាររយះពេល៩ខែ ឆ្នាំ២០២៥ និងលើកទិសដៅសម្រាប់អនុត្តបន្តនៅត្រីមាសទី៤ និងកំណត់គោលដៅសូចនាករ ក្នុងឆ្នាំ២០២៦ កាលពីរសៀលថ្ងៃទី២១ ខែតុលា ឆ្នាំ២០២៥ ។

លោក ឈាង វណ្ណៈ បានថ្លែងនូវការកោតសរសើរដល់ថ្នាក់ដឹកនាំ និងមន្រ្តីរាជការទាំងអស់ចំណុះមន្ទីរព័ត៌មានខេត្តកំពង់ឆ្នាំង ដែលបានសហការសាមគ្គី សម្រេចបាននូវសមិទ្ធកម្ម ប្រកបដោយបរិមាណនិងគុណភាព ទទួលបានប្រសិទ្ធភាពខ្ពស់។

លោក ឈាង វណ្ណៈ បានផ្តាំផ្ញើដល់ថ្នាក់ដឹកនាំនិងមន្រ្តីរាជការទាំងអស់ត្រូវរួមសហការបន្តសម្រេចនូវសមិទ្ធកម្ម ឆ្នាំ២០២៥ និងចាប់ផ្តើមចេញដំណើរឆ្នាំ២០២៦ ដោយកំណត់មុខងារមន្រ្តីរាជការ គោលដៅសូចនាករ តាមការិយាល័យឲ្យបានច្បាស់លាស់ ពង្រឹងតួនាទីភារកិច្ចនិងត្រូវសកម្មក្នុងការដឹកនាំរបស់ការិយាល័យ និង រួមគ្នាធ្វើឲ្យស្ថាប័នទំនាក់ទំនងសាធារណៈល្អ និងជាសេនាធិការល្អឲ្យរដ្ឋបាលខេត្ត និងក្រសួងព័ត៌មាន។  ជាពិសេសត្រូវផ្សាយព័ត៌មានពិតទាន់ពេលវេលាដល់ប្រជាពលរដ្ខ និងរួមគ្នាទប់ស្កាត់ និងប្រឆាំងព័ត៌មានក្លែងក្លាយក្នុងមូលដ្ឋានខេត្តកំពង់ឆ្នាំង៕