រដ្ឋ​មន្ត្រី​ក្រសួង​វប្បធម៌​ និង​អ្នក​តំណាង​រាស្ត្រ​អញ្ជើញ​ជួប​សំណេះ​​សំណាល​ជាមួយ​គ្រូ​បង្គោល​ ដែល​កំពុង​បណ្តុះ​បណ្តាល​សិស្ស​លើ​ជំនាញ​វិជ្ជា​ជីវៈ​ដូនតា​ នៅ​ស្រុក​កំពង់​ត្រឡាច​

កំពង់ឆ្នាំង ៖លោកជំទាវ បណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ អមដំណើរដោយ ឯកឧត្តមបណ្ឌិត ហ៊ឺ វីរៈ អ្នកតំណាង​​​រាស្រ្តមណ្ឌលខេត្តកំពង់ឆ្នាំង នាព្រឹកថ្ងៃទី៤ខែតុលា ឆ្នាំ២០២៥នេះ បានអញ្ជើញជួបសំណេះសំណាលជាមួយអ្នកគ្រូ ខាត ម៉ៃនះ ជាគ្រូបង្គោលបណ្តុះបណ្តាលជំនាញវិជ្ជាជីវៈដូនតា ដល់សិស្សក្រីក្រ នៅក្នុងសហគមន៍ ភូមិស្រែប្រិយ៍ ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង។

នាឱកាសនោះ លោកជំទាវ បណ្ឌិតសភាចារ្យរដ្ឋមន្រ្តី បានថ្លែងការកោតសរសើរ ចំពោះការខិតខំប្រឹងប្រែងរបស់អ្នកគ្រូក្នុងការផ្ទេរចំណេះដឹងជំនាញវិជ្ជាជីវៈដូនតា (ធ្វើសាជី) ដល់អ្នកបន្តវេន ដើម្បីរួមចំណែកថែរក្សាមរតកវប្បធម៌អរូបីមួយនេះ ឱ្យបានស្ថិតស្ថេរគង់វង្សយូរអង្វែង។

លោកជំទាវ បណ្ឌិតសភាចារ្យរដ្ឋមន្រ្តី ក៏បានឧបត្ថម្ភថវិកាមួយចំនួន ជូនដល់អ្នកគ្រូបង្គោលនិងសិស្សបន្តវេនដែលកំពុងសិក្សាលើជំនាញវិជ្ជាជីវៈដូនតាមួយនេះផងដែរ ៕