តំណាង​ឯក​ឧត្តម ​ស៊ុន​ សុវណ្ណា​រិទ្ធិ ​អភិបាល​ខេត្ត​កំពង់​ឆ្នាំង​ នាំ​យក​គ្រឿង​ឧបភោគ​បរិភោគ​ ជូន​ដល់​កង​​កម្លាំង​​នគរ​បាល​ជាតិ​ ប្រចាំ​ទិស​ភូមិ​ភាគ​ ទី​៤​ ក្នុង​ខេត្ត​ព្រះវិ​ហារ​​

កំពង់ឆ្នាំង ៖លោក យ៉ង់ ភារម្យ អភិបាលរងខេត្តតំណាង ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នាព្រឹកថ្ងៃទី២ ខែសីហា ឆ្នាំ២០២៥នេះ បានដឹកនាំប្រតិភូអញ្ជើញសាកសួរសុខទុក្ខ និងនាំយកគ្រឿងឧបភោគបរិភោគ ជូនដល់កងកម្លាំងនគរបាលជាតិ នៃបញ្ជាការដ្ឋានប្រចាំទិសភូមិភាគទី៤ ក្នុងភូមិសាស្ត្រខេត្តព្រះវិហារ ។

នៅក្នុងឳកាសនោះលោកយ៉ង់ ភារម្យ អភិបាលរងខេត្ត បាននាំនូវការផ្តាំផ្ញើសាកសួរសុខទុក្ខ ពីសំណាក់ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងបានគោរពកោតសរសើរ ចំពោះវីរភាពអង់អាចក្លាហាន ការលះបង់សាច់ស្រស់ ឈាមស្រស់ និងការខិតខំតស៊ូយ៉ាងស្វិតស្វាញ ដើម្បីការពារបូរភាពទឹកដីកម្ពុជា របស់បងប្អូនវិរៈកងទ័ព និងកងកម្លាំងនគរបាលការពារព្រំដែន ពីការឈ្លានពានខុសច្បាប់ ពីកងទ័រថៃ ។

លោកយ៉ង់ ភារម្យ បានថ្លែងអំណរគុណ និងជូនពរដល់វិរៈកងទ័ពជួរមុខ និងកងកម្លាំងនគរបាលការពារព្រំដែនទាំងអស់ មានសុខភាពល្អ ច្បាំងឈ្នះអស់មាសត្រូវ និងជោគជ័យគ្រប់ភារកិច្ច ៕