ថ្នាក់​ដឹក​នាំ​មន្ត្រី​រាជ​ការ​ នៃ​មន្ទីរ​សង្គម​កិច្ច ​អតីត​យុទ្ធ​ជន​ និង​យុវ​និតិ​សម្បទា​ ខេត្ត​កំពង់​ឆ្នាំង​ ចូល​រួម​ធ្វើ​យុទ្ធ​នា​ការ​ប្រឆាំង​ព័ត៌មាន​ក្លែង​ក្លាយ​

កំពង់ឆ្នាំង ៖ថ្នាក់ដឹកនាំ មន្ត្រីរាជការ នៃមន្ទីរសង្គមកិច្ច អតីតយុទ្ធជន និងយុវនិតិសម្បទា ខេត្តកំពង់ឆ្នាំង ដឹកនាំដោយលោក ឈាង ចន្ធី ជាប្រធានមន្ទីរ បានសហការជាមួយក្រុមការងារព័ត៌មាន និងសាធារណមតិ នៃមន្ទីរព័ត៌មានខេត្តកំពង់ឆ្នាំង ដឹកនាំដោយ លោក ឈាង វណ្ណះ ប្រធានមន្ទីរស្តីទី បានធ្វើយុទ្ធនាការប្រឆាំងព័ត៌មានក្លែងក្លាយ « និយាយថាទេចំពោះព័ត៌មានក្លែងក្លាយ-Say No to Fake News » នាព្រឹកថ្ងៃទី២ ខែមិថុនា ឆ្នាំ២០២៥ ។

លោក ឈាង វណ្ណះ ប្រធានស្តីទី មន្ទីរព័ត៌មានខេត្តកំពង់ឆ្នាំង បានបញ្ជាក់ថា យុទ្ធនាការប្រឆាំងព័ត៌មានក្លែងក្លាយ បានចាប់កាលពីថ្ងៃទី១ ខែមេសា ឆ្នាំ២០២៥ ដែលមានរយះពេល១ឆ្នាំ ក្នុងគោលបំណង ដើម្បីបង្ការ និងទប់ស្កាត់ លុបបំបាត់ព័ត៌មានមិនពិត បំភ្លៃ បំផ្លើស បំភ័ន្ត និងបំផ្លាញ តាមរយះការពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ជូនដល់សាធារណជន និងអនុវត្តវិធានការចាំបាច់មួយចំនួន ។

លោក ឈាង ចន្ធី ប្រធានមន្ទីរសង្គមកិច្ច អតីតយុទ្ធជន និងយុវនិតិសម្បទា ខេត្តកំពង់ឆ្នាំង បានអំពាវនាវដល់មន្ត្រីរាជការ និងសាធារណជនទូទៅ សូមចូលរួមទប់ស្កាត់ព័ត៌មានក្លែងក្លាយ ពិសេសអ្នកសារព័ត៌មាន អ្នកផលិតមាតិការ ត្រូវផ្សព្វផ្សាយព័ត៌មានពិត និងកុំចែកចាយព័ត៌មានក្លែងក្លាយ ៕