គ្រួសារ​រង​គ្រោះ​ដោយ​ភ្លើង​ឆេះ​ផ្ទះ​ បាន​ទទួល​អំណោយ​ពី​អនុ​សាខា​កាក​បាទ​ក្រហម​កម្ពុជា​ ស្រុក​កំពង់​ត្រឡាច

កំពង់ឆ្នាំង ៖ នាព្រឹកថ្ងៃទី៤ ខែឧសភា ឆ្នាំ២០២៥ លោក អាំ សុគន្ធ អនុប្រធានសាខា កាកបាទក្រហមកម្ពុជាស្រុក តំណាង លោក វន ស៉ីផា ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកកំពង់ត្រឡាច រួមនឹងមន្ត្រីអនុសាខាស្រុក ជាច្រើនរូបទៀត បានចុះសួរសុខទុក្ខ និងនាំយកអំណោយរបស់អនុសាខា​ ជូនដល់គ្រួសាររងគ្រោះដោយភ្លើងឆេះផ្ទះ កាលពីរសៀលថ្ងៃទី៣ ខែឧសភាឆ្នាំ២០២៥ ។

ម្ចាស់ផ្ទះរងឡ្រោះមានឈ្មោះ កុប ហាម៉ាត់ ភេទប្រុស អាយុ៤២ ឆ្នាំ ជាខ្មែរឥស្លាម និងប្រពន្ធឈ្មោះ ស្លេះ អាស៉ីយះ អាយុ៤១ឆ្នាំ ខ្មែរឥស្លាម រស់នៅភូមិកញ្ជោង ឃុំច្រេស ស្រុកកំពង់ត្រឡាច ខេត្តកំពង់ឆ្នាំង ។

នៅក្នុងនោះលោក អាំ សុគន្ធ អនុប្រធានគណៈកម្មាធិការអនុសាខាកាកបាទក្រហមកម្ពុជា ស្រុកកំពង់ត្រឡាច បានពាំនាំការសួរសុខទុក្ខ ព្រមទាំងសេចក្តីនឹករលឹក ពី លោក វន ស៉ីផា ប្រធានគណៈកម្មាធិការអនុសាខា ឯកឧត្ដម ស៊ុន សុវណ្ណារិទ្ធិ ប្រធានគណៈកម្មាធិការសាខា និងជាពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ។

អំណោយរបស់អនុសាខា ដែលបានផ្តល់ជូនដល់គ្រួសាររងគ្រោះនាពេលនោះរួមមាន អង្ក១បេ ៥០គីឡូក្រាម,មី១កេស,ត្រីខ ១យួរ,ទឹកត្រី១យួរ,ទឹកស៊ីអ៉ីវ១យួរ,កន្ទេល១ ឆ្នាំង២,ចានគ្រោង៥,ចានបាយ៥,ស្លាបព្រា៥,​តង់ខៀវ១,ឃីត១កញ្ចប់ ( មុង១ ភួយ១  ក្រមារ១ សារុង១ )និង ថវិកា ចំនួន ១០០.០០០ រៀល ៕