ព្រះ​​គ្រូ​ចៅ​​អធិការ​​វត្ត​​បល្ល័ង្គ​​រង្សី​​អំពាវ​​នាវ​​ឲ្យ​​ប្រជា​ពលរដ្ឋ​​ចូល​រួម​​ថែ​រក្សា​​បរិស្ថាន​​ និង​​គោ​រព​​ច្បាប់​​ចរាចរណ៍​​ ក្នុង​​ឳ​កាស​​ពិធី​​បុណ្យ​​ចូល​ឆ្នាំ​ថ្មី​​

កំពង់ឆ្នាំង ៖ព្រះឧត្តវង្សា សុត ឡាង ចៅអធិការវត្តបល្ល័ង្គរង្សី ( ហៅវត្តក្រាំងលាវ ) ស្ថិតក្នុងឃុំក្រាំងលាវ ស្រុករលាប្អៀរ ខេត្តកំពង់ឆ្នាំង បានអំពាវនាវទៅកាន់ប្រជាពលរដ្ឋគ្រប់មជ្ឈដ្ឋាន ឲ្យជួយថែរ្សាបរិស្ថាន និងចូលរួមគោរពច្បាប់ចរាចរណ៍ទាំងអស់គ្នា ។

ព្រះគ្រូចៅអធិការមានសង្ឃដីការថា ប្រជាពុទ្ធបរិស័ទ្ទ យុវជនយុវនារី ដែលមកធ្វើបុណ្យ និងលេងល្បែងប្រជាប្រិយ៍ នៅវត្តបល្ល័ង្គរង្សី ត្រូវជួយថែរក្សាបរិស្ថាន ដោយត្រូវវេចខ្ចប់សម្រាម យកទៅដាក់ក្នុងធុងឲ្យបានត្រឹមត្រូវ ។ធុងសម្រាមជាច្រើនត្រូវបានគណកម្មវត្តរៀបចំដាក់ពង្រាយនៅក្នុងបរិវេណវត្ត បង្ករលក្ខណៈ​ងាយស្រួលក្នុងការទុកដាក់សម្រាម ជាពិសេសគឺសម្រាមជាប្រភេទថង់ផ្លាស់ស្ទិក ។ ជាមួយគ្នានេះការធ្វើដំណើរដោយរថយន្តក្តី ដោយម៉ូតូក្តី ត្រូវចូលរួមគោរពច្បាប់ចរាចរណ៍ទាំងអសគ្នាដើម្បីកុំឲ្យមានគ្រោះថ្នាក់ចរាចរណ៍កើតឡើង ។

ព្រះឧត្តមវស្សា សុត ឡាង បានឲ្យដឹងថា នៅឆ្នាំនេះវត្តបល្ល័ង្គរង្សី បានរៀបចំតុបតែងយ៉ាងស្រស់ស្អាត ដើម្បីទួលប្រជាពុទ្ធបរិស័ទ្ទជិតឆ្ងាយ មកពីគ្រប់ទិសទី និងមានរៀបចំការលេងល្បែងប្រជាប្រិយ៍ជាច្រើន ដូចជាចោឈូងបោះអង្គុញ ទាញព្រ័ត្រ លាក់កន្សែង និងបោកចំបាប់ងដែរ ។ហើយចំពោះមធ្យោបាយរបស់បងប្អូន គណកម្មការវត្តបានរៀបចំកន្លែងសម្រាប់ផ្ញើត្រឺមត្រូវ ដោយមានកម្លាំងប្រជាការពារ ជាអ្នកមើលការខុសត្រូវជូនបងប្អូន ៕