កំពង់ឆ្នាំង៖ លោក ឈឹម វុទ្ធា អភិបាលរងខេត្តកំពង់ឆ្នាំង បានលើកឡើងថា ការសរសេរព័ត៌សន្តិភាព បានរួមចំណែកយ៉ាងសំខាន់ក្នុង
ការរក្សាសុខដុមរមណីយកម្ម ពិតប្រាកដសម្រាប់សង្គមជាតិ ។
ការលើកទ្បើងរបស់លោកអភិបាលរងខេត្តកំពង់ឆ្នាំង បែបនេះនៅក្នុងឳកាសដែលលោកអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី ប្រព័ន្ធផ្សព្វផ្សាយ និងសារព័ត៌មានសន្តិភាព ដែលរៀបចំធ្វើនៅមន្ទីរព័ត៌មានខេត្តកំពង់ឆ្នាំង នាព្រឹកថ្ងៃគឺថ្ងៃ៣១ ខែមិនា ឆ្នាំ ២០២៥ ។
លោក ឈឹម វុទ្ធា បន្ថែមថា វគ្គបណ្តុះបណ្តាលនេះផ្តល់ឱកាសឲ្យអ្នកសារព័ត៌មាន បានសិក្សាស្វែងយល់លើជំនាញសរសេរព័ត៌មានបែបសន្តិភាព ប្រកបដោការទទួលខុសត្រូវ និង មានក្រមសីលធម៌ ក៏ជាការតម្រង់ទិសផ្នែកសរសេរព័ត៌មាន យល់ដឹងបានទូលំទូលាយ ដើម្បីជាស្ពាននាំសារទុកចិត្តបាន រវាងប្រជាពលរដ្ឋ និងរាជរដ្ឋាភិបាល។
លោក ឈឹម វុទ្ធា អភិបាលរង ខេត្តកំពង់ឆ្នាំងបានផ្តាំផ្ញើដល់សិក្ខាកាមទាំងអស់ត្រូវសិក្សាស្វែងយល់អំពីចំណេះដឹងរបៀបសរសេរព័ត៌មានបែបសន្តិភាព ដើម្បីបង្កើតសន្តិភាពពិតប្រាកដ។
កញ្ញា ស្រី សុធាវី នាយិកាអង្គការ ACT បានរំពឹងថា វគ្គបណ្តុះបណ្តាលនេះ នឹងធ្វើឲ្យអ្នកចូលរួមបានយល់ដឹងអំពីសន្តិភាព, ទំនាស់ អំ
ពើហិង្សា ,ប្រព័ន្ធផ្សព្វផ្សាយដើម្បីសន្តិភាព និង ព័ត៌មានហិង្សា , មូលដ្ឋានគ្រឹះនៃការសរសេរព័ត៌មាន និងការយល់ដឹងអំពីការប្រើប្រា
ស់ប្រព័ន្ធផ្សព្វផ្សាយសង្គម ,យល់ដឹងអំពីក្រមសីលធម៌វិជ្ជាជីវៈ, អ្នកសារព័ត៌មាននិងច្បាប់សារព័ត៌មាន , ព្រមទាំងចែករំលែកចំណេះ
ដឹងបន្ត ,ការបង្កើតបណ្តាញ និងរៀបចំផែនការសកម្មភាពផ្សព្វផ្សាយផងដែរ ។
លោក ឈាង វណ្ណៈ. ប្រធានស្តីទីមន្ទីរព័ត៌មានខេត្តកំពង់ឆ្នាំង បានថ្លែងអំណរគុណដល់អង្គការ ACT ដែលបានសហការបើកវគ្គបណ្តុះបណ្តាលនេះ ដើម្បីបង្កើនការយល់ដឹងបន្ថែមទៀតក្នុងការសរសេរព័ត៌មានបែបសន្តិភាព ដល់អ្នកសារព័ត៌មាន នៅក្នុងខេត្តកំពង់ឆ្នាំង ៕
